19th
05
नेपाली महिलाहरुको चाड हरितालिका तीजको अवसरमा तीज विशेष सांस्कृतिक तथा दर खाने कार्यक्रम
सीतारमेश बहुमुखी क्याम्पस , अतिरिक्त क्रियाकलाप समितिको आयोजनामा क्याम्पसमा आज मिति २०८१ भाद्र १९ गते , बुधबार नेपाली महिलाहरुको चाड हरितालिका तीजको अवसरमा तीज विशेष सांस्कृतिक तथा दर खाने कार्यक्रम सम्पन्न भएको छ । क्याम्पस सभाका महिला सदस्यहरू , विद्यार्थीहरू , क्याम्पस सञ्चालक समितिका सदस्यहरू , प्राध्यापक , कर्मचारी गरी करिब २३० जनाको सहभागिता रहेको कार्यक्रमको अध्यक्षता सञ्चालक समितिका अध्यक्ष श्री जयप्रसाद भण्डारीले गर्नुभएको थियो । विद्यार्थीहरुद्वारा गीत, नृत्य , गजल प्रस्तुत गरिएको कार्यक्रममा क्याम्पस प्रमुख पुष्प रिजालले कार्यक्रमको औचित्यमाथि प्रकाश पार्नुभयो । पूर्व क्याम्पस प्रमुख गणेश निरौला र सहायक प्राध्यापकहरू हेमन्ता भण्डारी तथा खगेन्द्र नेपालले कविता / गजल प्रस्तुत गर्नुभयो । विभागीय प्रमुख राधाकृष्ण भट्टराईले शब्दगुच्छाद्वारा स्वागत गर्नुभएको कार्यक्रमको सञ्चालन ECAC संयोजक केशव ढुङ्गेलले गर्नुभएको थियो ।
Sita Ramesh Multiple Campus